聖誕好去處2021｜MegaBox哈利波特飄雪「活米村」率先睇！6大打卡位＋遊戲區：9 ¾ 月台＋霍格華茲列車＋20呎高聖誕樹

聖誕好去處2021｜MegaBox哈利波特飄雪「活米村」率先睇！6大打卡位＋遊戲區：9 ¾ 月台＋霍格華茲列車＋20呎高聖誕樹

聖誕好去處2021｜去去武器走！各位哈利迷有福了，原來想搵Harry Potter都唔一定要飛去日本，而家香港都有個奇妙魔法世界俾大家過一過戲癮喇！九龍灣MegaBox聯乘「Warner Bros.」呈現哈利波特逼真經典場景「活米村」，期間仲會有飄雪效果，可以感受冬日浪漫！仲有互動手機遊戲比大家贏取禮物，今個聖誕千祈唔好走寶！

哈利波特飄雪「活米村」降臨MegaBox 記者直擊！ 9 ¾ 月台＋霍格華茲列車＋20呎高聖誕樹 大型聖誕裝置哈利波特「活米村」已經降臨九龍灣MegaBox陪大家渡過冬日，首日已經吸引大批市民到場打卡影相，記者率先現場直擊！場內有6大打位位，包括9 ¾ 月台、霍格華茲特快列車、桑柯的惡作劇商店、蜂蜜公爵糖果店、貓頭鷹郵局等，每個都係經典場景，逼真到如臨其境，展出期由即日起至2022年1月2日，哈利迷必定要去朝聖！

首日已經吸引咗大批遊人留步影相，睇嚟Harry Potter嘅威力不容忽視！

6大經典場景打卡位 彷如置身哈利魔法世界 1. 9 ¾ 月台 每次由人間穿越去魔法世界，都一定要經過國王十字車站內嘅「 9 ¾ 月台」。今次將呢個經典場境重現，仲有埋架手推車可以比你打卡影相，咁多位粉絲預備同哈利展開旅程啦！

每次由人間穿越去魔法世界，都一定要經過國王十字車站內嘅「 9 ¾ 月台」。今次將呢個經典場境重現，仲有埋架手推車可以比你打卡影相，咁多位粉絲預備同哈利展開旅程啦！

架手推車已經有一半踏入咗魔法世界，係佢仲未消失前快啲同佢影相啦！

小朋友們都對呢架列車好有興趣，唔通有潛質成為巫師一份子？

20呎高閃爍華麗聖誕樹夢幻飄雪表演 同場當然唔少得聖誕必備嘅大型聖誕樹，有成20呎高，掛飾足以閃爆全場，打卡一流！

由上午10時至下午9時，每逢正點更會有夢幻飄雪睇，等大家都係香港都可以感受到冬日異國浪漫。

桑柯的惡作劇商店 「桑柯的惡作劇商店」係霍格華茲學生去活米村遊玩時最喜愛嘅去處，大家都係呢到購入惡作劇及變戲法用嘅材料，妖精店員會喺窗前對大家擺出趣怪表情，快啲去捕捉佢地啦！

蜂蜜公爵糖果店 「蜂蜜公爵糖果店」會出售各式各樣嘅魔法糖果，深受霍格華茲嘅學生喜愛。

貓頭鷹郵局 「貓頭鷹郵局」會為無貓頭鷹嘅人寄出信件，係電影中都有頻頻出場。

大大個貓頭鷹logo～

「Harry Potter的聖誕魔法世界」

大型裝置 日期：2021年11月18日至2022年1月2日

地點：九龍九龍灣宏照道 38 號企業廣場 5 期 MegaBoxL5中庭

資料來源:新假期

HOUSE101.com.hk

▲ HOUSE101 香港網上搵樓放盤平台

▲ APS101 全新地產代理工作系統