【置業規劃】免墮陷阱、新屋上樓裝修3大陷阱逐個捉!



分享 :

辛辛苦苦搵錢返嚟租屋買樓,下一步就要開始搞裝修,坊間有大大小小唔同裝修公司,良莠不齊… 點先可以避免墮入裝修陷阱?即刻睇清楚以下 3 大陰險位!

陷阱一:標榜「超抵平價套餐」
裝修公司會遊說客人揀「超抵平價套餐」,但係工程一開始之後,就不斷話「套餐唔包呢樣、唔包嗰樣」,要求增添工程收費。有啲合約仲包含中止合約賠償,大家想「CUT單」要賠錢!所以裝修工程開始前,小心確保工程內容有白紙黑字列明細節及收費,同埋記得逐樣仔細問清楚!

陷阱二:翻新牆身慳功夫
大家裝修普遍會翻新牆身,一般嚟講就包晒鏟底、批灰及上新油漆等工序。有啲無良裝修公司為咗慳人工、慳時間、慳材料,就會未做鏟底及重新批盪就直接上油漆,其實上新油要上兩至三次,佢哋就只會偷雞上一次!所以大家記得草擬裝修合約時,清楚列明油漆嘅品質同數量,同埋一定要親身到場檢查!

❌ 陷阱三:全屋包料定半包?
裝修公司代購材料相當普遍,不過小心「偷龍轉鳳」購入舊瓷磚當新品用!揀材料全包就要睇清楚報價單,有無列明牌子及款式?免得日後又話要加錢先可以轉款!


– 活動消息 –


 

分享 :
HOUSE101.com.hk
-- 版權所有、非經授權不得抄襲 --


▲ HOUSE101 香港網上搵樓放盤平台


▲ APS101 全新地產代理工作系統