係咪覺得間屋愈來愈唔夠位用？唔使驚，其實只要你做好房間同家居收納，整理一下間屋，絕對可以令家居 增加空間 、煥然一新！以下呢9個技巧，不妨試下，包你唔使扔嘢都可以有更多空間！
技巧1：家居收納——反思家具擺設方式
家具、傢俬佔據咗家中嘅大部分空間，所以佢哋點擺法其實係最重要。將枱櫈靠牆擺放，令通道更寛闊。簡單建議，就係家具盡可能貼牆擺放，增加走動空間。
技巧2：房間收納——以直立式收納盒收納化妝品
好多女士將化妝品放到一枱都係，其實只要利用直立式嘅收納盒，就可以令化妝品分間別類，一目瞭然。
技巧3：房間收納——分類放置小飾品
小飾物最難搵，又最易唔見，同時又容易造成凌亂枱面。建議將之用小樽、小盒排列收納，減底丟失機率，又使枱面整齊。
技巧4：櫥櫃收納——貼牆格子櫃
格子櫃好處係體積細、易移動、收納方便，唔使開櫃門就可對收納物品一覽無遺，相信大家家中都一定會有呢類格子櫃。
技巧5：小空間收納——直立式鞋櫃
直立式鞋櫃，將收納空間拉高、收窄鞋櫃寬度，直立收納嘅鞋更簡潔，選鞋更方便。
技巧6：家居收納——釘牆式鞋鈎
以幾個鈎，替代鞋櫃，大大省下擺櫃嘅空間。當然要鑽牆會比較煩，DIY時要特別小心呀！
技巧7：家居收納——浴室牆架
洗頭水、沐浴露、洗面奶……凡此種種，只要有幾個牆架，就可以節省浴室好多空間。
技巧8：廚房收納——雪櫃保鮮盒
保鮮盒可以更有效利用雪櫃內有限嘅空間，仲可以有隔味嘅功效，值得多加利用。
技巧9：小空間收納——零食收納
零食係港人家居必備，但如果求其堆在茶几上，相當雜亂。以小盒子收納零食，再放入廚櫃，會好好多。
資料來源：BOXFUL
HOUSE101.com.hk
▲ HOUSE101 香港網上搵樓放盤平台
▲ APS101 全新地產代理工作系統
今時今日身處香港這個活力之都，實在讓人忙得透不過氣… 與你談討居家生活、提供置業貼士、講盡全城熱話。尋覓置愛？由這裡開始！