颱風來臨六個家居小貼士 – 港居家生活｜樓市新聞

10月尾仍有颱風襲港, 遇上颱風來臨，小朋友多留在家中，家長做好準備，以下呢六個家居小貼士不妨參考吓。

1. 玻璃窗黐膠紙真係有用？

大家有冇試過，即使屋企關咗窗，都仲會聽到啲風一直撞落窗度嘅「呼呼」聲？其實玻璃窗一直承受住風吹雨打嘅強大壓力，隨時都有碎嘅可能。因此，我哋應該未雨綢繆，保護玻璃窗嘅同時，亦都係保護自己、保護他人。

每逢打風一定有不少市民會用膠紙黐玻璃，有人用「井」、「米」字型等不同方式，有研究指出，玻璃被吹破時，中間區域嘅碎片較碎，四周嘅碎片則較大，所以喺玻璃窗貼上交叉／米字型嘅膠紙，可以增加玻璃嘅韌度，對抗較大的風壓，也可以防止玻璃破裂時四濺傷人。但歸根究底的作用始終不大。所以膠紙的保護能力與貼法無關，重點是覆蓋範圍。而且爆玻璃最主要原因不是風力，而是雜物如小石吹撞而導致破裂，所以膠紙的作用不大，除非用較厚的牛皮膠紙黐整塊玻璃。

有些情況黐膠紙反而會更危險，例如強化玻璃即使爆裂，亦會碎成一粒粒，對途人的傷害不大，但黐上膠紙後，強化玻璃被擊碎便會因膠紙黏着而變成「一舊舊」，相對更危險。不過一般人並不知道自己家中的是普通玻璃還是強化玻璃，而通常新樓的大玻璃、陽台玻璃，都很大機會是強化玻璃。

雖然強化玻璃嘅效果有限，但可以令玻璃即使真係被強風吹爛，都唔會碎成碎片，而是大片大片咁跌落。一方面方便事後清理，一方面亦減少大量碎裂玻璃危害到其他人安全嘅可能性。不過玻璃抵擋強風嘅能耐始終有限，即使貼咗膠紙，亦有機會會被吹爛。所以最安全嘅做法，係喺大風時遠離窗戶，而平日亦應留意玻璃窗上有冇裂痕，即使係細小嘅裂痕都應該即時處理同維修，唔好等到打風先臨急抱佛腳呀！

2. 關緊門窗

天文台會話俾市民知颱風吹緊咩方向，只要大家留意吓屋企嘅座向，就會知道需唔需要關窗啦。假設你屋企嘅窗係向西北，而天文台又話係吹西北風喎，咁你就記得要關窗啦，因為會撇雨入屋，搞到間屋濕曬。相反，如果係吹東南風，就唔使擔心，因為風向相反，所以唔會撇雨。

大家當然知道打風下雨要關好窗戶，除此之外，室内的門也容易被風吹開，尤其是當門同門或窗正對時，形成的對流效果會更加「扯風」，最好關掉其中一扇門。另外，我們可考慮將傢俬及貴重物件搬離當風的窗戶，為免玻璃碎裂破壞物件。

如果門同門或窗係正正對著嘅話，同時開曬兩邊會有對流效果，平時可以令空氣更加流通，但打風落雨嘅時候，就變成更加扯風啦。所以建議大家將其中一邊嘅門或窗關起，只留一邊開住，既唔會太焗，又唔會太大風。

3. 攝毛巾避免窗戶漏水問題

下雨天，不少樓宇都會有窗戶漏水問題，其實我們可以把毛巾「攝」在窗邊，吸走滲水，以免雨水浸濕屋内物品。事後亦應儘早檢查及維修老化的窗戶。

4. 固定室外物品

颱風吹起上黎風力可以好強勁，有機會把物品吹到，不僅造成財物損失。輕嘅物品例如紙、晾緊嘅衫等等，都好容易被風吹到四圍都係，甚至跌埋落街，還可能令人受傷，因此要留意將呢啲物品收好同固定。另一個必須要提嘅物品就係門，如果門開住但又冇嘢頂住嘅話，好容易會被風吹到大力關上，「嘭」一聲好似打雷咁大聲，耳仔痛之餘仲會被嚇到心都離一離。

另外，打風前最好將放置喺露台、騎樓、天台等室外範圍嘅物件搬回屋內，例如盆栽、晾衫竹、雜物等，搬入室內或者固定喺安全嘅地方，如果大件物品無法搬走的話，切記把被風吹倒的物件綁緊，以免物品被大風吹走。