香港連續7天錄逾100宗新增確診個案，其中青衣疫廈盈翠半島，有樓睇套3房單位減40萬以1,470萬元易手，售價較10日前同類單位高72萬元。惟代理指不少睇樓客因盈翠半島染疫而臨時爽約。
上述成交為5座高層A室，實用面積771平方呎，套3房間隔，單位於今年5月放盤，叫價1,510萬元，有樓睇，終以1,470萬元沽出，減價40萬元，實用呎價19,066元，售價較10日前同座同室低6層賣1,398萬元高72萬元。
7月暫8宗成交 超上月全月
盈翠半島7月至今暫錄8宗成交，交投量已超越6月全月5宗水平，惟呎價有輕微下調趨勢，7月平均實用呎價約1.8萬元，較6月1.84萬元，下調約2%。
利嘉閣地產首席聯席市務董事彭錦添表示，隨着新冠肺炎確診個案增加，疫情轉差，市民開始減少出門，睇樓客亦相應減少。早前有兩枱睇樓客約好睇樓，因疫情轉差，以及盈翠半島先後有兩座錄確診個案，睇樓客臨時變卦取消睇樓。
資料來源: 香港經濟日報
HOUSE101.com.hk
▲ HOUSE101 香港網上搵樓放盤平台
▲ APS101 全新地產代理工作系統
今時今日身處香港這個活力之都，實在讓人忙得透不過氣… 與你談討居家生活、提供置業貼士、講盡全城熱話。尋覓置愛？由這裡開始！