暴雨襲港｜連日大雨引發「選宅」討論唔濕身買外賣兼返工一類屋苑無得輸

本港連日大雨，天文台剛發出黃雨暴雨警告，並預料本港在短期內可能受冰雹影響。大雨持續，令返工人士相當困擾，亦因此引起網民討論揀物業的學問。

早前就有網民發起討論，打風落雨究竟「香港有邊啲屋苑大廈可以唔濕身買到麥當勞」？另亦引發不少人表示，落大雨時，有甚麼屋苑出入可以唔濕身的問題，得出結論就是……

實香港有不少屋苑的平台及出入口，連接著商場或地鐵站，十分方便，一路上有瓦遮頭，就可以全程不用開雨傘啦！例如有人提出「屯門市中心全部連vcity」、「凱旋門直落圓方」、「太古城海天花園」、「將軍澳天晉、三寶及都會駅」、「將軍澳站沿線幾個大屋」、「馬鞍山新港城」、「yoho第一至三期」、「鑽石山星河明居」等。

雖然有網民表示港鐵上蓋無得輸，但亦有指「住德福就唔得喇」，所以得出結論就是連接港鐵的物業樓之餘，還要基座備有商場的屋苑才是「勝利組中勝利組」，難怪樓價會較為硬淨。